“Varşava Ukraynanın real döyüşlərdə artıq sübut etdiklərinə əsaslanaraq, özünün genişmiqyaslı dron donanmasını yaratmağı planlaşdırır”.
Zefer.media xəbər verir ki, bunu Polşanın Baş naziri Donald Tusk Ukraynanın bərpasına həsr olunmuş Rzeszowda keçirilən konfransda bildirib.
Konfransda çıxış edən Polşa Baş naziri ölkəsi üçün konkret bir hədəfi açıqlayıb.
“Biz təkcə regionda deyil, həm də bütün dünyada vəziyyətin nə qədər qeyri-sabit olduğunu bilirik. Həmçinin hər hansı bir təxribat və ya təcavüz halında tez reaksiya verməyin nə qədər vacib olduğunu da bilirik”, – deyə o vurğulayıb.
Tusk əlavə edib ki, Varşava Ukraynanın texniki və praktik təcrübəsinə əsaslanaraq “dronlardan ibarət bir armada” qurmaq niyyətindədir.
Onun sözlərinə görə, məqsəd budur: “ruslar üçün bir qədər gözlənilməz olan bu müharibə nəticəsində biz bütün texnoloji dövrün üzərindən tullana bilərik ki, yaxın gələcəkdə Ukrayna, Polşa və Avropa hava hücumlarından qorunsun”.
Zərintac Mayisqızı
