Niderlandın şərqində, Vezep şəhəri yaxınlığında alman məktəbliləri daşıyan Avstriya avtobusu yük maşını ilə toqquşub. Qəza nəticəsində 8 nəfər yaralanıb.
Zefer.media xarici mətbuata istinadən xəbər verir ki, Niderland polisi bildirib ki, hadisə barədə yerli vaxtla səhər saat 04:20-də məlumat daxil olub.
Yaralananlar arasında yük maşınının sürücüsü də var. Xəstəxanaya çatdırılan zərərçəkənlərdən bir neçəsinin vəziyyətinin ağır olduğu, digərlərinin isə yüngül xəsarətlər aldığı bildirilir.
Niderlandın ictimai yayımçısı NOS-un məlumatına görə, avtobusda 50-dən çox insan olub və onların əksəriyyəti alman məktəbliləridir.
Hadisə yerinə təcili yardım xidmətləri cəlb olunub. Qəzanın səbəbləri araşdırılır.
Pərvin Hacıyeva
