Pentaqon əməkdaşları ABŞ-nin müdafiə naziri Pit Hegsetin öz kabinetində yerləşdirmək istədiyi Eyzenhauerə məxsus tarixi qlobusu sındırıblar.
Zefer.media xarici mətbuata istinadən xəbər verir ki, qlobusu daşıyarkən metal dayağın üzərinə salıblar. Nəticədə onun səthi çatlayıb, qlobus isə bərkidildiyi yerdən qopub.
Adətən, Pentaqonun ərazisində tarixi eksponatların yerinin dəyişdirilməsinə ixtisaslı kuratorlar nəzarət edir. Lakin həmin vaxt hökumətin fəaliyyətinin dayandırılması (şatdaun) səbəbindən onlar işdə olmayıb və ödənişsiz məzuniyyətə göndəriliblər.
Hegset qlobusu öz kabinetində yerləşdirməyə çox həvəsli olduğundan mütəxəssisləri gözləməmək qərara alınıb. Nəticə isə gözlənilən olub.
Pərvin Hacıyeva
