Türkiyə Prezidenti Rəcəb Tayyib Ərdoğan ölkəsinin Kanada ilə münasibətləri strateji tərəfdaşlıq səviyyəsinə yüksəltməkdə qərarlı olduğunu bildirib.
Zefer.media xarici mətbuata istinadən xəbər verir ki, Ərdoğan qarşıdakı dövrdə enerji, ticarət, nəqliyyat və müdafiə sənayesi kimi bir çox sahədə yeni layihələrin həyata keçirilməsini hədəflədiklərini deyib.
O, Kanada ilə ticarət dövriyyəsinin 10 milyard dollara çatdırılmasını arzuladıqlarını vurğulayıb.
Ərdoğanın sözlərinə görə, ilin sonuna qədər Azad Ticarət Sazişi üzrə danışıqlara başlanması barədə razılıq əldə edilib. Həmçinin iki ölkə arasında birbaşa uçuşların sayının təxminən iki dəfə artırılması planlaşdırılır.
Türkiyə Prezidenti müdafiə sənayesi və nüvə enerjisi sahələrində də Kanada ilə sıx təmasların davam etdiyini bildirib. Onun qeyd etdiyinə görə, iki ölkənin enerji nazirlikləri arasında qəbul edilən birgə bəyanat nüvə enerjisi də daxil olmaqla, bu sahədə ciddi potensialın mövcudluğunu göstərir.
Pərvin Hacıyeva
