Bu gün Pakistanın Xayber Paxtunxva əyalətində yerləşən hərbi düşərgədə terror aktı baş verib.

Zefer.media xəbər verir ki, bu barədə Badjaur bölgədində Pakistan hərbçilərinin toplantısı zamanı həyata keçirilən hücum nəticəsində 8 təhlükəsizlik qüvvəsi həlak olub, 35 nəfər isə yaralanıb.

Bildirilib ki, partlayıcı maddələrlə yüklənmiş avtomobildə olan terrorçu düşərgənin ərazisinə daxil olaraq partlayıcı qurğunu işə salıb. Partlayışdan dərhal sonra yaraqlılar hərbçilərə atəş açıb.

Təhlükəsizlik qüvvələrinin cavab atəşi nəticəsində bir neçə terrorçunun məhv edildiyi deyilib.

Hadisə ilə bağlı hələlik heç bir şəxs və ya qrup hücumun məsuliyyətini öz üzərinə götürməyib.

Zərintac Mayisqızı