Yazın fəslinin gəlişi ilə bir çox insan fiziki aktivliyini kəskin şəkildə artırır: gəzinti, qaçış, bağçılıq, yarışlara hazırlıq və s.
Zefer.media xəbər verir ki, burda diqqət yetirilməli məqamlar var.
Belə ki, fiziki fəaliyyətdən sonra yaranan normal və təhlükəli ağrıları bir-birindən ayırd etməyi bacarmalıyıq.
Araşdırmalara görə artan aktivliklə yüngül ağrı, sərtlik və ağrı normaldır. Həmin əlamətlər adətən diz və çiyinlər kimi böyük oynaqlara təsir göstərir. Onlar adətən hərəkətdən bir və ya iki gün sonra görünür və gündəlik həyata əngəl törətmir.
Məsələn qısamüddətli oynaq ağrısı evdə müalicə oluna bilər. İstirahəti orta aktivliklə əvəz etmək, zədələnmiş oynağa gündə bir neçə dəfə 10-15 dəqiqə buz qoymaq və dartınmaq məsləhət görülür.
Tibbi yardım tələb edən simptomlar isə bunlardır: Bir neçə həftə davam edən ağrı, oynaqda əhəmiyyətli şişkinlik, qızartı və istilik, hərəkətliliyin azalması və ya qeyri-sabitlik, eləcə də zədədən dərhal sonra yaranan kəskin ağrılar.
Qışdan yaza keçid bir sıra zədələrdə nəzərəçarpacaq dərəcədə artım təəsüf ki, tez-tez müşahidə olunur.
Məşqdən əvvəl isinmək, məşqdən sonra oynaqlara buz qoymaq, məşq intensivliyini tədricən çoxaltmaq və qidalanmanı izləmək vacib nüansdır.
Zərintac Mayisqızı
