ABŞ və İranın qarşılıqlı sərt tələbləri Tehran–Vaşinqton danışıqlarını dalana dirəyib.
Zefer.media xəbər verir ki, buna dair Pakistanlı mənbə “Əl-Cəzirə” telekanalına açıqlamasında bildirib.
Mənbənin sözlərinə görə, tərəflər xüsusilə uran zənginləşdirilməsi və Hörmüz boğazı ilə bağlı mövqelərində geri addım atmırlar.
Bildirilir ki, həm Vaşinqton, həm də Tehran bu məsələlər üzrə tələblərini artırmaqda israrlıdır və bu da danışıqlar prosesində çıxılmaz vəziyyət yaradıb.
Buna baxmayaraq, İslamabad tərəflər arasında müvəqqəti anlaşmanın əldə olunması ehtimalına hələ də nikbin yanaşır.
Məlumata görə, regional vasitəçilik təşəbbüsləri davam edir və müxtəlif ölkələr ABŞ ilə İran arasında gərginliyin daha da artmasının qarşısını almağa çalışır.
Zərintac Mayisqızı
