22 İyul – Milli Mətbuat Gününün 151-ci ildönümü münasibətilə Zefer.media İnformasiya Portalının könüllüləri təşəkkürnamə ilə təltif olunublar.
Mətbuat Şurası İdarə Heyətinin üzvü, Xüsusi Təyinatlıların Qaziləri, Şəhid Ailələri və Veteranları İctimai Birliyinin sədri, Zefer.media İnformasiya Portalının təsisçisi Bəhruz Məmmədzadə informasiya sahəsində göstərdikləri fəaliyyətə görə saytın könüllüləri olan Zərintac Mayisqızı , Pərvin Hacıyeva, Aytən Ağazadə, Qəmər Kazımzadə və Lalə Qurbanlını təşəkkürnamə ilə təltif edib.
Təşəkkürnamədə qeyd olunub ki, təltif olunanlar Milli Mətbuatın 151-ci ildönümü münasibətilə informasiya sahəsində göstərdikləri fəal ictimai fəaliyyətə, Zefer.media kollektivi olaraq səmərəli və məsuliyyətli fəaliyyətlərinə, milli-mənəvi dəyərlərin, dövlətçilik prinsiplərinin və həqiqətlərin ictimaiyyətə çatdırılmasına verdikləri töhfəyə görə təltif ediliblər.
Bəhruz Məmmədzadə könüllüləri Milli Mətbuat Günü münasibətilə təbrik edib, onların media sahəsində fəaliyyətini yüksək qiymətləndirərək gələcək peşə fəaliyyətlərində uğurlar, yeni nailiyyətlər və davamlı müvəffəqiyyətlər arzulayıb.
Pərvin Hacıyeva
