Tulada 14 yaşlı qızı uşaq meydançasında özü tərəfindən çəkilmiş “Smeşariki” personajlarının rəsmlərini silməyə məcbur ediblər.
Zefer.media xarici mənbələrə istinadən xəbər verir ki, administrasiya qızı vandalizmdə ittiham edib və rəsmlər silinməsə, valideynlərini polisə verməklə hədələyib.
Yerli sakinlər, “Smeşariki”nin yaradıcıları, hətta Tula vilayətinin qubernatoru da qızı müdafiə edib. Lakin buna baxmayaraq, məktəbli qız sonda rəsmlərini silməyə məcbur edilib. Üstəlik, bunu dövlət televiziyasının kameraları qarşısında etməli olub.
Vəziyyətin absurd tərəfi odur ki, rəsmlər təbaşirlə çəkilmişdi və yağış yağdıqdan sonra onsuz da öz-özünə silinəcəkdi. Amma məmurlar uşağın özünüifadəsinə görə ona qarşı nümayişkaranə şəkildə “cəzalandırma” tədbiri görməyə qərar veriblər.
Lalə Qurbanlı
