Asiya İnkişaf Bankının (AİB) Direktorlar Şurası sərhəd-keçid məntəqələrinin modernləşdirilməsini nəzərdə tutan BUILD regional proqramını təsdiqləyib.
Zefer.media “Minval”a istinadən xəbər verir ki, proqram çərçivəsində ümumilikdə 400 milyon dollar maliyyələşdirmə nəzərdə tutulur.
Proqrama Azərbaycanla yanaşı daha 10 ölkə də daxil edilib. Layihənin əsas məqsədi sərhəd-keçid məntəqələrinin müasirləşdirilməsi, prosedurların rəqəmsallaşdırılması və yükdaşımaların həyata keçirilməsinə sərf olunan vaxtın azaldılmasıdır.
Məlumata görə, proqram Mərkəzi Asiya Regional İqtisadi Əməkdaşlıq (CAREC) çərçivəsindəki nəqliyyat dəhlizlərini, o cümlədən Orta Dəhlizi əhatə edəcək.
Aytən Yalçınqızı
