Çin ABŞ-nin tətbiq etdiyi sanksiyalara baxmayaraq İran və Rusiyaya pilotsuz uçuş aparatlarının (PUA) istehsalı üçün müxtəlif komponentlərin tədarükünü davam etdirir.
Zefer.media xəbər verir ki, bu barədə “The Wall Street Journal” qəzeti yazıb.
Məlumata görə, kiçik Çin şirkətləri mühərriklər, batareyalar, fiber optik kabellər və mikroçiplər daxil olmaqla müxtəlif dron texnologiyalarını açıq şəkildə ixrac edir və bu yolla ABŞ sanksiyalarını faktiki olaraq nəzərə almırlar.
Qəzetin yazdığına əsasən, “Xiamen Victory Technology” adlı şirkət son müharibə dövründə İranın “Shahed-136” hücum dronları üçün Almaniyada istehsal edilmiş L550 mühərriklərini satıb.
WSJ qeyd edir ki, bu cür tədarüklər İran və Rusiyanın dron proqramlarının davam etməsinə və hərbi potensialının güclənməsinə şərait yaradır.
Zərintac Mayisqızı
