Türkiyə bütün tərəfləri Qara dənizdə mülki gəmilərə hücum etməkdən çəkinməyə çağırıb.
Zefer.media xəbər verir ki, bu barədə 3 apreldə Prezident Rəcəb Tayyib Ərdoğanın Rusiya Prezidenti Vladimir Putinlə telefon danışığından sonra onun ofisi məlumat yayıb.
X sosial şəbəkəsinin (əvvəlki adı Twitter) açıqlamasında deyilir: “Türkiyə bütün tərəfləri gərginliyin artmasına, Qara dənizdə mülki gəmilərə hücumlara səbəb ola biləcək hərəkətlərdən çəkinməyə çağırdı”.
Sənəddə həmçinin qeyd olunur ki, Ankara Yaxın Şərqdə davam edən gərginliyin həlli üçün bir sıra xarici aktorlarla işləyir. Bundan əlavə, o, Rusiya-Ukrayna danışıqlarının davam etdirilməsi üçün də səylər göstərir.
Zərintac Mayisqızı
