Aprelin 28-də çəkilmiş peyk görüntüləri Rusiyanın Tuapse şəhərində yerləşən neft emalı zavodunda baş verən güclü yanğını və səmaya yüksələn qara tüstünü əks etdirib.
Zefer.media xəbər verir ki, bu barədə teleqram kanalları məlumat yayıb.
Rəsmilərin bildirdiyinə görə, yanğın Ukraynaya məxsus pilotsuz uçuş aparatının hücumu nəticəsində baş verib.
Ukrayna Ordusu zərbəni həyata keçirdiyini təsdiqləyərək bunun Rusiyanın neft sənayesinə zərbə vurmaq və müharibə gəlirlərini azaltmaq məqsədi daşıdığını qeyd edib. Bu, son iki həftədə Qara dəniz limanına üçüncü hücumdur.
Rusiya Prezidenti Vladimir Putin isə hücumu mülki obyektlərə yönəlmiş artan zərbələrin sübutu kimi qiymətləndirib və enerji obyektlərinə hücumların ciddi ekoloji fəsadlara səbəb ola biləcəyini deyib.
Zərintac Mayisqızı
