Rusiyanın Kiyev və ətraf rayonlara genişmiqyaslı hücum həyata keçirib, nəticədə 4 nəfər ölüb və azı 100 nəfər yaralanıb.
Zefer.media xəbər verir ki, habelə infrastruktur obyektləri və yaşayış binaları ziyan görüb. Ukraynanın Dövlət Fövqəladə Hallar Xidmətinin məlumatına görə, Şevçenkovski rayonunda məktəbdə, biznes mərkəzində və bazar ərazisində yanğınlar baş verib.
Həmçinin doqquzmərtəbəli yaşayış binasına zərər dəyib. Desnyanski rayonunda ticarət mərkəzi və supermarket vurulub.
Ukrayna Prezidenti Volodimir Zelenski Rusiyanın Kiyevə hücumu zamanı zərər görmüş obyektlərə, o cümlədən Ukrayna Milli Çernobıl Muzeyinə və zərbəyə məruz qalmış yaşayış binalarına baxış keçirib.
“Biz hücumları yalnız hərbi hədəflərə endiririk – Rusiyanın hərbi və ya dron istehsalı müəssisələrinə yaxud onun enerji obyektlərinə, çünki onlar enerji satanda ordularını dəstəkləyirlər. Bunlar isə mülki hədəflərdir: muzey, məktəb və mənzillər. Yeri gəlmişkən Çernobıl muzeyi 40 illik yubiley üçün tikilmişdi, cəmi 1 ay əvvəl inşa olunmuşdu və onlar hücum etdilər. Bunun muzey olduğunu görüb, birbaşa onu vurdular. Sadəcə dəhşətdir”, – Zelenski vurğulayıb.
Zərintac Mayisqızı
