Polşada yanacaq qiymətlərinə tətbiq olunan maksimal həddlər 16 aprel, cümə axşamı günündən etibarən aşağı salınacaq.
Zefer.media RMF24 Energetika Nazirliyinin qərarına istinadən xəbər verir ki, yeni müəyyən edilmiş limitlərə əsasən:
AI-95 markalı benzinin litri 6,08 zlotidən (təxminən 1,52 dollar) çox olmayacaq.
AI-98 markalı benzinin litri 6,61 zlotidən (təxminən 1,65 dollar) artıq olmayacaq.
Dizel yanacağının litri isə 7,23 zlotidən (təxminən 1,81 dollar) yuxarı olmayacaq.
Əvvəlki günlə müqayisədə bütün yanacaq növləri üzrə qiymətlərdə azalma qeydə alınacaq. Xüsusilə dizel yanacağı daha çox ucuzlaşaraq hər litr üzrə təxminən 18 sent aşağı düşəcək.
Müqayisə üçün qeyd edək ki, bundan əvvəl maksimal qiymətlər belə idi:
AI-95 – 6,16 zlotı
AI-98 – 6,70 zlotı
Dizel – 7,41 zlotı
Energetika Nazirliyi bildirib ki, tətbiq olunacaq yeni qiymətlər CPN (Aşağı Yanacaq Qiymətləri) proqramının başlanmasından bəri ən aşağı səviyyə olacaq.
Aytən Yalçınqızı
