“Azərbaycanın Naxçıvan bölgəsinə dron hücumları ilə bağlı anlaşılmazlıqlar artıq həllini tapıb”.
Zefer.media xəbər verir ki, bu sözləri İran Xarici İşlər Nazirliyinin sözçüsü İsmayıl Bəqayi mətbuat konfransında bildirib.
Bəqayi həmin hadisələri “saxta bayraq əməliyyatı” adlandıraraq deyib ki, İran tərəfi Azərbaycan və Türkiyə ərazilərinə heç bir raket və ya artilleriya zərbəsi endirməyib.
O, əlavə edib ki, yaranan hər hansı anlaşılmazlıq İran və Azərbaycan prezidentləri, habelə xarici işlər nazirləri arasında aparılan dialoqlar vasitəsilə aradan qaldırılıb.
Sözçü vurğulayıb ki, Tehran bu istiqamətdə hər hansı bir atəş açmadığını rəsmi şəkildə təsdiqləyib və iki ölkə arasında artıq tam anlaşma mövcuddur.
Bəqayi, habelə, ifadə edib ki, Türkiyə ilə yaranan oxşar vəziyyət də dialoq yolu ilə nizamlanıb.
Zərintac Mayisqızı
