NATO ölkələri artilleriya sursatı üçün partlayıcı maddələrin istehsalı üçün lazım olan pambıq çatışmazlığı ilə üzləşir.
Zefer.media xəbər verir ki, bununla əlaqədar “The Wall Street Journal” qəzeti məlumat yayıb.
Nitrosellüloza (piroksilin) mərmilər üçün tüstüsüz toz istehsalında əsas element olaraq qalır. Bu birləşmə pambıq toxumlarının emalından sonra qalan qısa, tüklü liflərdən — linterlərdən hazırlanır.
Məhdud pambıq tədarükü Alyansın öz sursat ehtiyatlarını artırmaq səylərinə əsas maneələrdən birinə çevrilib.
Məqalədə deyilir: “NATO-nun kifayət qədər resursu yoxdur. Məhdud pambıq təchizatı NATO-nun sursat ehtiyatlarını artırmaq səylərində üzləşdiyi ən böyük çətinliklərdən biridir”.
Nəşrin hesablamalarına görə, təchizat zəncirlərini fövqəladə hallardan qorumaq üçün Avropa öz nitrosellüloza istehsalını ikiqatdan çox artıraraq ildə 20.000 tona çatdırmalıdır.
Avropa ölkələri artıq çatışmazlığı aradan qaldırmaq üçün tədbirlər görür. Xüsusilə, Almaniyanın müdafiə şirkəti Rheinmetall mülki nitrosellüloza istehsal edən zavodu hərbi məqsədlər üçün istifadəyə verir. Bundan əlavə, Polşa bu kimyəvi birləşməni istehsal etmək üçün yeni bir müəssisə tikməyi planlaşdırır.
Zərintac Mayisqızı
