İslam Respublikası ABŞ və İsrailin yenidən hücum edəcəyi təqdirdə uranın zənginləşdirilməsini nüvə silahı istehsalı üçün uyğun sayılan 90 faiz səviyyəsinə çatdırmaqla hədələyib.
Zefer.media xəbər verir ki, bu barədə İran parlamentinin Milli Təhlükəsizlik Komissiyasının üzvləri tərəfindən verilən açıqlamalarda deyilib.
Komissiyanın üzvlərindən Əbülfəzl Zöhrəvənd isə nüvə silahı mövzusuna toxunaraq deyib ki, İran üçün “nüvə bombası istehsalının mənası yoxdur” və Tehran başqa hərbi imkanlarla daha böyük təsir göstərə bilər.
Zöhrəvəndin sözlərinə görə, Hörmüz boğazı, Bab əl-Məndəb və “Müqavimət Cəbhəsi”nin təsiri “yüz nüvə bombasından daha böyükdür”.
O, “nüvə bombası qədər asan” layihələrin mümkün olduğunu gördüyünü və “Tehrandan Vaşinqtona saniyələr içində çata biləcək” sistemlərin hazırlana biləcəyini iddia edib.
Zərintac Mayisqızı
