İsrail ordusu Livanın cənubuna yeni zərbələr endirməyə başlayıb. Bildirilib ki, hücumların hədəfi şiə təşkilatı Hizbullaha məxsus infrastruktur obyektləridir.
Zefer.media xəbər verir ki, bu barədə ordunun mətbuat xidməti məlumat yayıb.
Məlumata görə, əməliyyat çərçivəsində hərbi mövqelər, silah anbarları və raket buraxılış nöqtələri vurulur. Zərbələrin bölgədə təhlükəsizlik vəziyyətinin gərginləşməsi fonunda həyata keçirildiyi qeyd olunur.
Hazırda hücumların nəticələri və mümkün itkilər barədə rəsmi açıqlama verilməyib. Yerli mənbələr isə partlayış səslərinin bir neçə yaşayış məntəqəsində eşidildiyini bildirir.
