“The New York Times” qəzetinin son günlərdə dərc etdiyi və geniş rezonans doğuran məqaləsində ABŞ və İsrailin İrana qarşı mümkün planları ilə bağlı iddialar yer alıb.
Zefer.media-nın əldə etdiyi məlumata görə, yazıda qeyd olunub ki, iddia edilən ssenaridə İranın keçmiş prezidenti Mahmud Əhmədinejad post-müharibə dövrü üçün mümkün siyasi fiqur kimi nəzərdən keçirilə bilərdi.
Məsələ ilə bağlı açıqlama verən Əhmədinejadın sabiq müşaviri Əbdürrza Davəri bildirib ki, “New York Times”ın təqdim etdiyi ssenari tamamilə istisna edilə bilməz. O qeyd edib ki, keçmiş prezidentin təhlükəsizlik tədbirləri və müşahidə altında olması ilə bağlı iddiaların yanlış anlaşıldığı düşünülür.
“Hazırda Əhmədinejadın vəziyyəti ilə bağlı dəqiq məlumatım yoxdur. Ancaq qəzetin haqqında danışdığı məsələ qeyri-real ssenari olmaya bilər”, – deyə Davəri açıqlayıb.
Zərintac Mayisqızı
