ABŞ İranın Livandakı keçmiş səfiri Məhəmməd Rza Şeybani Rauf da daxil olmaqla Hizbullahla əlaqəli olduğu bildirilən doqquz nəfərə sanksiya tətbiq edib.
Zefer.media xəbər verir ki, bu barədə ABŞ Maliyyə Nazirliyi məlumat yayıb.
Sanksiya siyahısına daxil edilən şəxslər Livandakı siyasi proseslərə təsir göstərməkdə və Hizbullahın tərksilah olunması istiqamətində aparılan təşəbbüslərə mane olmaqda ittiham olunur.
Vaşinqton bildirib ki, həmin şəxslər “Livandakı sülh prosesinə” maneə yaradır və Hizbullahın dövlət strukturlarındakı təsirinin qorunmasına çalışırlar.
Məlumata görə, Məhəmməd Rza Şeybani daha əvvəl Livan tərəfindən “arzuolunmaz şəxs” (persona-non-qrata) elan edilmişdi. O, ölkənin daxili işlərinə müdaxilə və Hizbullahla əlaqəli siyasi fəaliyyət ittihamları ilə Livandan çıxarılmışdı.
Zərintac Mayisqızı
