Rusiyanın bu gün həyata keçirdiyi genişmiqyaslı hücum Moskvanın niyyətini açıq şəkildə nümayiş etdirir.
Zefer.media xəbər verir ki, bu barədə Ukrayna Prezidenti Volodimir Zelenski deyib.
“Əgər Ukrayna ballistik raketlərdən etibarlı şəkildə qorunmasa, Rusiya hücumlarını davam etdirəcək”, – deyə Zelenski vurğulayıb.
Onun sözlərinə görə, müharibənin başa çatması üçün Avropanın öz raketdən müdafiə imkanlarını, xüsusilə də antiballistik sistemlərini gücləndirməsi vacibdir.
Zelenski, həmçinin Amerika Birləşmiş Ştatlarından Patriot hava hücumundan müdafiə sistemləri üçün raket tədarükünün davam etdirilməsinə ehtiyac olduğunu qeyd edib.
Ukrayna lideri tərəfdaş ölkələrin dəstəyinə və bugünkü hücuma qarşı konkret cavab addımlarına ümid etdiyini bildirib.
Zərintac Mayisqızı
