Azərbaycan mediasının tanınmış xəbər platformalarından biri olan “Yeni Çağ” 19 illik fəaliyyətini qeyd edir.
Zefer.media xəbər verir ki, 2007-ci ildən fəaliyyət göstərən “Yeni Çağ” ötən illər ərzində ölkənin ictimai-siyasi, sosial və informasiya gündəminin işıqlandırılmasında öz dəst-xətti ilə seçilən media qurumlarından birinə çevrilib. Portal fəaliyyət göstərdiyi müddətdə operativlik, aktuallıq və oxucuya doğru informasiya çatdırmaq prinsiplərini əsas götürərək yoluna davam edib.
19 il ərzində Azərbaycan mediasında baş verən mühüm dəyişikliklərin, ölkənin ictimai-siyasi həyatında yaşanan proseslərin və gündəmin diqqətçəkən hadisələrinin işıqlandırılmasında “Yeni Çağ”ın özünəməxsus yeri formalaşıb.
Bu əlamətdar gün münasibətilə “Yeni Çağ” kollektivini təbrik edir, media fəaliyyətində yeni uğurlar, yaradıcılıq nailiyyətləri və uzunmüddətli fəaliyyət arzulayırıq.
