Oktyabr ayında Rusiya Prezidenti Vladimir Putinin Valdaydakı iqamətgahının ətrafında daha 16 hava hücumundan müdafiə qülləsi inşa edilib.
Zefer.media “Minval”a istinadən xəbər verir ki, “Azadlıq Radiosu”nun peyk görüntülərinin təhlilinə əsasən, mart ayından bəri ərazidəki hava hücumundan müdafiə mövqelərinin sayı demək olar ki, iki dəfə artaraq 27-dən 50-dən çoxa çatıb.
Yeni obyektlər iqamətgahın cənubunda, Ukrayna istiqamətində yerləşdirilib. Şimal tərəfdə isə müdafiə halqası hələ tam tamamlanmayıb.
Mövqelərin bir qismi Xotilovo hərbi bazasının və Lisiy adasının yaxınlığında yerləşir.
Pərvin Hacıyeva
