İyunun 1-də BMT Təhlükəsizlik Şurasının iclasında Ukraynanın Birləşmiş Millətlər Təşkilatındakı (BMT) daimi nümayəndəsi Andrey Melnik Avropa ölkələrini və ABŞ-ni Ukrayna ərazisi üzərindən uçan pilotsuz uçuş aparatlarını (PUA) vurmağa çağırıb .
Zefer.media xəbər verir ki, “Ukrinform” onun sözlərini sitat gətirib:
“Ukraynanın ən çox ehtiyac duyduğu şey, Avropa və Amerika tərəfdaşlarımızın Ukrayna ərazisi üzərində Rusiya raketlərini və dronlarını aktiv şəkildə ələ keçirmək və məhv etmək öhdəliyidir”.
Melnik Rumıniyada baş verən dron qəzası ilə bağlı hesab edir ki, Ukraynanın Qərb müttəfiqləri Kiyevə hava hücumundan müdafiə sistemlərinin təchizatını artırmalı və bununla da Avropa tərəfdaşlarının iştirakı ilə güclü inteqrasiya olunmuş hava hücumundan müdafiə qalxanı yaratmalıdırlar.
Zərintac Mayisqızı
