İyul ayından etibarən Ukrayna Silahlı Qüvvələrinin döyüş batalyonları üçün maliyyələşdirməni artıracaq və bəzi bölmələr üçün ayrıca vəsait ayıracaq.
Zefer.media xəbər verir ki, bu fikirləri Ukrayna Prezidenti Volodimir Zelenski deyib.
Ukrayna dövlət başçısı Əməliyyat Komandanlığının rəis müavini Pavlo Palisanın döyüş briqadaları komandirləri ilə ünsiyyətin nəticələrinə əsaslanan hesabatı barədə danışıb.
“Bölmələrin birbaşa maliyyələşdirilməsi proqramı yaxşı işləyir. Biz həmin proqramı miqyaslandıracağıq. Gələn aydan etibarən döyüş tapşırıqlarını yerinə yetirən hər bir batalyon üçün maliyyələşdirmə miqdarı artacaq”, – deyə Zelenski qeyd edib
O əlavə edib ki, ötən ildən, sözügedən maliyyələşdirmənin başlanmasından bəri, briqadalar dronların və digər zəruri avadanlıqların alınmasını sürətləndirə biliblər.
“İndi hər bir döyüş batalyonu üçün daha çox vəsait olacaq və döyüş zonasında fəaliyyət göstərən artilleriya bölmələri, eləcə də döyüş tapşırıqlarını yerinə yetirən korpus səviyyəli bölmələr üçün əlavə ayrıca maliyyələşdirmə əldə ediləcək”, – deyə Zelenski diqqətə çatdırıb.
Ukrayna liderinin sözlərinə görə, artıq Baş Qərargahdan müvafiq qərar var və gələn ay Ukrayna Silahlı Qüvvələrinin bölmələri əlavə resurslar alacaq.
Zərintac Mayisqızı
