İranın “Raja News” nəşri xarici işlər naziri Abbas Əraqçını Xəzər dənizində İran gəmisinə edilən hücumla bağlı açıqlamasına görə sərt tənqid edib.
Zefer.media xəbər verir ki, tənqid, Əraqçının Ukrayna tərəfinin hücumu “qəsdən edilməmiş” adlandırması və dəymiş ziyanı ödəməyə hazır olduğunu bildirməsi ilə bağlı bəyanatındandan sonra səsləndirilib.
Nəşr xarici işlər nazirini hadisənin əhəmiyyətini azaltmağa çalışmaqda ittiham edib və bildirib ki, Ukrayna tərəfi hücuma görə məsuliyyəti açıq şəkildə öz üzərinə götürdüyü halda, bu cür mürəkkəb hərbi əməliyyatı “qəsdən edilməmiş” kimi təqdim etmək əsassızdır.
“Raja News” yazıb: “Düşmən ölkənin ən yüksək vəzifəli şəxsi açıq şəkildə məsuliyyəti öz üzərinə götürüb və bununla öyünürsə, min kilometrdən çox məsafədə yerləşən mürəkkəb hərbi əməliyyatı necə ‘qəsdən edilməmiş’ adlandırmaq olar? Belə bir zəif bəhanəni qəbul etmək İran millətinin zəkasına təhqir və həlak olan dənizçinin qanına xəyanət deyilmi?”
Zərintac Mayisqızı
