Sentyabrın 25-də Prezident İlham Əliyevin himayəsi ilə Bakıda II Azərbaycan Beynəlxalq İnvestisiya Forumu işə başlayıb.
Zefer.media xəbər verir ki, dövlət başçısının forum iştirakçılarına müraciətini Baş nazirin müavini Samir Şərifov oxuyub.
Forumda Orta Dəhliz, energetika və yaşıl keçid, süni intellekt, rəqəmsal transformasiya, sənaye, infrastruktur, aqrobiznes və investisiyalar əsas müzakirə mövzuları kimi müəyyənləşdirilib.
Tədbirdə beynəlxalq investorlar, dövlət qurumlarının, maliyyə institutlarının və biznes sektorunun nümayəndələri iştirak edir. Forum çərçivəsində sənaye, maliyyə, tikinti, süni intellekt, bərpaolunan enerji və digər sahələr üzrə sazişlərin imzalanması gözlənilir.
