Qazaxıstanın Aktau limanında dəniz səviyyəsinin azalması ilə əlaqədar dibdərinləşdirmə işlərinin əsas mərhələsinə başlanılıb.
Zefer.media “Minval”a istinadən xəbər verir ki, Qazaxıstanın Nəqliyyat Nazirliyinin məlumatına görə, işlər çərçivəsində təxminən 1,3 milyon kubmetr qruntun çıxarılması planlaşdırılır. Nəticədə limanın akvatoriyasında dərinliyin 6-7 metrə çatdırılması nəzərdə tutulur.
Bildirilib ki, layihənin limanın buraxılış qabiliyyətinin artırılmasına və Transxəzər Beynəlxalq Nəqliyyat Marşrutu üzrə daşımaların həcminin 30 faizə qədər yüksəlməsinə imkan verəcəyi gözlənilir.
Həmçinin dəniz yolu ilə yükdaşıma xərclərinin 10-15 faiz azalacağı proqnozlaşdırılır.
Qəmər Kazımzadə
