ABŞ Britaniyadakı hərbi bazada baş verən insidentdən sonra B-1 bombardmançılarını ölkə ərazisindəki bazalara geri çəkib.
Zefer.media “Minval”a istinadən xəbər verir ki, bu barədə “Wall Street Journal” məlumat yayıb. Bildirilir ki, bütün B-1 bombardmançıları ABŞ-dakı bazalara köçürülüb, lakin onların döyüş hazırlığı vəziyyəti qorunur.
Britaniya polisi sentyabrın 27-də Kral Hərbi Hava Qüvvələrinin Feyrfrod aviabazası yaxınlığında “böyük insident” baş verdiyini açıqlayıb. Hadisə ilə bağlı beş Britaniya vətəndaşı terror fəaliyyəti və partlayıcı maddələrlə əlaqəli cinayətlərdə şübhəli bilinərək saxlanılıb.
Qəmər Kazımzadə
