Ukrayna noyabr ayında keçiriləcək danışıqlarda Rusiyadan enerji infrastrukturuna və gəmiçiliyə zərbələri dayandırmağı tələb edəcək. Kiyev, həmçinin taxılın təhlükəsiz ixracını təmin etməyə və bütün hərbi əsirlərin mübadiləsinə nail olmağa çalışacaq.
Zefer.media “Minval”a istinadən xəbər verir ki, bunu Ukrayna Prezidenti Volodimir Zelenski bildirib.
Zelenskinin digər açıqlamaları:
● Ukrayna son il yarım ərzində ABŞ-də həm demokratların, həm də respublikaçıların ən böyük dəstəyindən yararlanır.
● Prezident ABŞ-də aralıq seçkilər zamanı “Starlink”lə bağlı yeni problemlərin yarana biləcəyini istisna etməyib.
● Kiyev atəşkəsin tam təmin olunmasını müzakirə etmək üçün Zelenski, Donald Tramp və Vladimir Putinin iştirakı ilə üçtərəfli görüş təşkil etməyə çalışır.
● Ukrayna neytral statusla razılaşmayacaq və ordusunun sayının məhdudlaşdırılmasını qəbul etməyəcək.
● Kiyev ərazi məsələsini yalnız liderlər səviyyəsində müzakirə etməyə hazırdır. Ukrayna əraziləri dəyişdirmək niyyətində deyil.
● Putin sülh istədiyini sübut etməlidir.
● Enerji infrastrukturuna zərbələrin dayandırılması Rusiyanın müharibəni bitirməyə hazır olduğunun ilk praktiki təsdiqi ola bilər.
Pərvin Hacıyeva
