Bu gün İran parlamentinin sədri Məhəmmədbaqir Qalibaf ABŞ-nin Tehranın dondurulmuş aktivləri ilə bağlı planını sərt şəkildə tənqid edib.
Zefer.media xəbər verir ki, bu barədə Qalibaf “X” hesabındakı paylaşımında Vaşinqtonun İranın maliyyə vəsaitlərinin ABŞ-nin kənd təsərrüfatı məhsullarının alınmasına yönəldilməsi ilə bağlı mövqeyinə münasibət bildirib.
“Amerika yalandan iddia edir ki, dondurulmamış aktivlərimiz onların kənd təsərrüfatı mallarını alacaq. Maraqlıdır. Yığdığımız yeganə məhsul sizin əkdiyiniz məhsuldur: onilliklər boyu davam edən inamsızlıq. Bu, üzvi, bol və yerli məhsuldur”, – deyə o yazıb.
Qalibaf əlavə edib ki, ABŞ-nin ixrac etdiyi əsas məhsullar “GMO soya, pozulmuş vədlər və boş danışıqlardır”.
Zərintac Mayisqızı
