Ukrayna Silahlı Qüvvələri Hərbi Hava Qüvvələrinin İmkanları Koalisiyası, Çexiya hökuməti və “Darek pro Putina” xeyriyyə fondu tərəfindən Ukraynaya təhvil verilən on ədəd “ALTO NG” təlim təyyarəsi alıb.
Zefer.media xəbər verir ki, bu barədə Ukrayna Müdafiə Nazirliyinin mətbuat xidməti məlumat yayıb.
Qeyd olunur ki, həmin yüngül mühərrikli təyyarələrin meydana çıxması ölkə daxilində tam hüquqlu təlim bazasının yerləşdirilməsinə, döyüş təyyarələri ilə müqayisədə bir uçuş saatının dəyərini kəskin şəkildə azaltmağa və ukraynalı pilotların NATO standartlarına uyğun olaraq mürəkkəb Qərb avadanlıqlarına keçidini sürətləndirməyə imkan verəcək.
“ALTO NG” təyyarələri gələcək pilotlara müxtəlif şəraitdə idarəetmə texnikalarına yiyələnmək, qalxma və yaxınlaşma prosedurlarında naviqasiya etmək və müasir Qərb qırıcılarına keçid daxil olmaqla, əsas və çox vacib hərbi bacarıqları effektiv şəkildə tətbiq etməyə imkan verən ən müasir avadanlıqla təchiz olunub.
Təlimə sözügedən yanaşma pilotların döyüş hazırlığını əhəmiyyətli dərəcədə artırır və səma müdafiəsini daha sadə, daha müasir və daha effektiv edir.
Aviasiya avadanlıqlarının təhvil verilməsi beynəlxalq həmrəylik çərçivəsində həyata keçirilib: beş təyyarə Çexiya hökumətinin birbaşa dəstəyi ilə, daha beşi isə Çexiya vətəndaşlarının məşhur “Darek pro Putina” xeyriyyə fondu vasitəsilə yardımı ilə gəlib.
Zərintac Mayisqızı
