Ukrayna üçün Kiyevin nəzarətində olan ərazidə sabitləşdirmə qoşunlarının yerləşdirilməsini nəzərdə tutan Avropa təklifləri yeni Berlin divarının yaradılmasına gətirib çıxaracaq.
Zefer.media xəbər verir ki, bu barədə Rusiyanın xarici işlər naziri Sergey Lavrov bildirib.
“Əsas məsələ (Avropanın təkliflərindən söhbət gedir Ukraynanın qalan hissəsinə qoşun yeritməkdir… Sabitləşdirici qüvvələr Avropanın Ukraynaya təhlükəsizlik baxımından təmin edəcəyinə dair zəmanətlərin mahiyyəti, özəyidir. Başqa sözlə, bu, əbədi və əbədi olaraq yeni Berlin Divarıdır”, – deyə Lavrov 12-ci Beynəlxalq Elmi və Ekspert Forumunda “Primakov Oxuları”nda çıxış edərkən söyləyib.
Nazir vurğulayıb ki, həmin variant Rusiyaya yaraşmır.
Zərintac Mayisqızı
