ABŞ prezidenti Donald Trampın Çinə səfərindən sonra İrana qarşı daha sərt tədbirlər gündəmə gələ bilər.
Zefer.media xəbər verir ki, bununla bağlı “Axios” nəşri bildirib.
Məlumata görə, nəzərdən keçirilən variantlardan biri ABŞ Hərbi Dəniz Qüvvələrinin iştirakı ilə Hörmüz boğazından gəmilərin keçidini təmin etməyə yönəlmiş “Azadlıq Layihəsi” əməliyyatının bərpasıdır.
Bundan əlavə, ABŞ-nin İran infrastrukturuna qarşı yeni hava hücumları kampaniyaları ehtimalını da araşdırdığı deyilir.
Xatırladaq ki, Ağ Ev daha öncə ABŞ və Çinin Hörmüz boğazının militarizasiyasına və rüsum tətbiqi cəhdlərinə qarşı olduğunu açıqlamışdı. Həmçinin liderlərin İranın nüvə silahına sahib olmaması barədə razılığa gəldiyi qeyd olunur.
Zərintac Mayisqızı
