İran ətrafında yaranmış münaqişə Nüvə Silahlarının Yayılmaması haqqında Müqavilənin (NSYM) effektivliyinə ciddi zərbə vuraraq, beynəlxalq sistemdə dərin etimad böhranı yaradıb.
Zefer.media xəbər verir ki, bu barədə “Middle East Eye” (MEE) yazıb.
Məqalədə qeyd olunur ki, NSYM iştirakçısı olan dövlətə qarşı hərbi əməliyyatların aparılması beynəlxalq təhlükəsizlik zəmanətlərinin etibarlılığına dair qavrayışı sarsıdır və bu, müqavilənin qoruyucu mexanizm kimi qəbul edilməsinə mənfi təsir göstərir.
Nəşrin mənbələrinə görə, İran nümunəsi göstərir ki, NSYM çərçivəsində uzunmüddətli uyğunluq və AEBA-nın misli görünməmiş yoxlamaları belə ölkəni xarici zərbələrdən, sanksiyalardan və kiberhücumlardan qoruya bilməyib.
MEE yazır ki, “müdaxilə xarakterli yoxlamalar” nəticədə nüvə obyektlərinin infrastrukturu və personalı barədə həssas məlumatların ortaya çıxmasına, bunun isə sabotaj və hava hücumlarını asanlaşdırmasına səbəb ola bilər.
Zərintac Mayisqızı
