Rusiyanın əsas partlayıcı maddələr istehsalçılarından biri olan strateji əhəmiyyətli Sverdlov Zavoduna zərbə endirildiyi iddia edilib.
Zefer.media “Hürriyet”ə istinadən xəbər verir ki, hücumdan sonra fabrikdən qatı tüstü qalxıb.
Bildirilib ki, Ukrayna ordusu 24 saat ərzində ikinci dəfə Rusiya obyektlərini hədəf alıb. Hadisə ilə bağlı Permdə “kimyəvi fövqəladə vəziyyət” elan edilib.
Yerli sakinlərin sözlərinə görə, Dzerjinsk şəhərinin müxtəlif yerlərində təxminən 10 partlayış səsi eşidilib. Partlayışların Nijni Novqorod yaxınlığındakı Kstovo şəhərinin cənub və mərkəzi hissələrində də hiss olunduğu qeyd edilib.
Regional hakimiyyət orqanları hələlik hücumla bağlı rəsmi açıqlama verməyib.
Zərintac Mayisqızı
