Azərbaycan mədəni həyatında fərqli yanaşması ilə seçilən yeni bir layihə – “Sİ: Ömrün 43 anı” adlı sərgi ictimaiyyətə təqdim olunub. Layihənin müəllifi gənc və yaradıcı yanaşması ilə seçilən Məhsəti Hüseynovadır.
Zefer.media xəbər verir ki, layihə çərçivəsində təqdim olunan əsərlər sadəcə vizual təsvir deyil, həm də zamanın, məkanın və insan duyğularının yaddaş daşıyıcısı kimi çıxış edir. Hər bir kadr bir həyat anını, bir hissi və bir mühiti özündə ehtiva edir.
Sərginin təqdimatı təsadüfi tarixə deyil. 18 aprel – Beynəlxalq Abidələr və Tarixi Yerlər Gününə həsr olunub. Bu yanaşma layihənin əsas ideyasını – insan yaddaşı ilə tarixi məkanların kollektiv yaddaşını bir araya gətirmək məqsədini daha da gücləndirir.
Tədbirdə dövlət, mədəniyyət, media və ictimai sahəni təmsil edən bir sıra tanınmış şəxslər iştirak ediblər.
Layihə rəhbəri Məhsəti Hüseynova açılış nitqində bildirib ki, “Sərgi insan ömrünün müxtəlif anlarını bədii və texnoloji sintez vasitəsilə təqdim edən konseptual vizual layihədir. Müxtəlif məkanlarda çəkdiyi real fotoşəkillər süni intellekt texnologiyaları vasitəsilə yenidən işlənərək yağlı boya estetikasına uyğunlaşdırılıb. Nəticədə sənədli reallıq ilə bədii interpretasiya arasında unikal estetik dialoq yaranıb.”
“Sİ: Ömrün 43 anı” sərgisi həm müəllifin qırx üç yaşına işarə edir, eyni zamanda Beynəlxalq Abidələr və Tarixi Yerlər Gününün ilk dəfə 1983-cü ildən məhz 43 il əvvəl qeyd olunmağa başlanması ilə səsləşir. Bu uyğunluq sərginin yadda qalan məqamlarından biri oldu.
Azərbaycan Respublikası Milli Məclisinin deputatı Vüqar İskəndərov, Azərbaycan Respublikasının əməkdar artisti, bəstəkar Gövhər Həsənzadə, Bakı İctimai Əməkdaşlıq Mərkəzinin rəhbəri Rauf Zeyni, Akademik, sənətçi, xoreoqraf Sebahattin Sivrikaya, əməkdar jurnalist, 2-ci dərəcəli dövlət müşaviri Akif Əli, ASAN Xidmətin mətbuat katibi Elnur Niftəliyev, Azərbaycan Fotoqrafları Birliyinin təsisçisi Mirnaib Həsənoğlu, “701 saylı Hərbi Hissənin Veteranları” İctimai Birliyinin sədri, polkovnik Əzizağa Qənizadə, Telejurnalist Günel Gözəlova, peşəkar bələdçi-tərcüməçi Balaş Maqsudbəyli, təhsil işçisi, Şuşa Mədəniyyət Mərkəzinin əməkdaşı İnci Əliyeva, Türkiyədə fəaliyyət göstərən vəkil, sənətçilərin hüquqlarının müdafiəsi sahəsində ixtisaslaşmış hüquqşünas Şükrü Sarıdərə “SHOW PLUS TV” kanalının direktoru Zamiq Yunisov, İctimai xadim Əli Yunisov, Türkiyədən media nümayəndəsi, ictimai fəal Orhan Çınar, El Pəhləvanları İdman Klubu İctimai Birliyinin sədri Nürəddin Beyləqanlı, Dağıstanın tarix elmləri doktoru Vaqabov Maxaç, kinorejissor Məzahir Həşimov, Gənc Vətənpərvərlər İctimai Birliyinin sədri Muğan Əliyev, Diaspor Fəaliyyətinə Jurnalistlərin Dəstəyi İctimai Birliyinin sədri Fuad Hüseynzadə, Gənclərin Töhfəsi İctimai Birliyinin sədri Asim Vəliyev, Peşəkar Qənnadçılar İctimai Birliyinin sədri Eynur Nağdəliyev, Dosent, Yazıçılar Birliyinin üzvü Fərqanə Zülfüqarova, Gənclərin Töhfəsi İctimai Birliyinin İdarə Heyətinin üzvü Xəqan Qədimov çıxış edərək sərgi və müəllif haqqında xoş fikirlər səsləndirdi.
Tədbirin bədii hissəsində Azərbaycan Mədəniyyəti sosial şəbəkə platformasının solistləri milli musiqimizin incəliyini və zənginliyini yüksək ustalıqla təqdim etdilər. Tarda Rəsul Hacızadə, kamançada Murad İsalı, nağarada Həsən Hacıbalayev ifa ediblər. Proqram “Dad əlindən ay gözəl”, “Güllü qafiyə”, “Aşiqəm”, “Sənin o qara tellərin”, “Tar, kamanım, gəl-gəl”, “Bəh-bəh”, “Sevgili yar” mahnıları ilə davam edib.
