Vərəm idrak və zehni pozğunluqlara səbəb ola bilər.
Zefer.media xəbər verir ki, əksər hallarda həmin xəstəlikdən sonra asteniya(astenik simptom kompleksi – Ümumi zəiflik və tez yorulma), ya da affektiv pozğunluqlar kimi təzahür edən sərhəd psixi pozğunluqları müşahidə edilir.
Başqa sözlə, bu, patoloji yorğunluq və ya eyforiyadan dərin kədərə qədər həddindən artıq gərgin və davamlı emosiyalar kimi təzahürlər ortaya çıxa bilir.
Belə durumdan əziyyət çəkən şəxslər yaddaş problemləri, öyrənmə çətinlikləri və işdə diqqətin azalması ilə qarşılaşırlar.
Bəzi tədqiqatlar ağır yaddaş pozğunluğunun inkişafı ilə vərəm prosesinin özünün toksik təzahürləri, eləcə də alkoqol və ya narkotik maddələrə asılılıq arasında əlaqə aşkar edib. Yaşlılarda koqnitiv (düşünmə və anlama funksiyaları) nəticələr riski gənclərə nisbətən daha yüksəkdir.
Bu, qan dövranının pozulması (damar genezisi) və ya maddələr mübadiləsinin pozulması (dismetabolik genezis) ilə müşayiət olunan qazanılmış xroniki serebrovaskulyar patologiya ilə izah edilə bilər. Yaşlılıqla baş verən yavaş metabolizm sağalma müddətinə təsir göstərir.
Zərintac Mayisqızı
