Türkiyənin Mersin vilayətinin Tarsus şəhərinin Şevçan rayonundakı məktəblərdən birində silahlı şagird görülüb.
Zefer.media xəbər verir ki, bu barədə “Cumhuriyet” qəzeti məlumat yayıb.
Hadisə ilə əlaqədar dərhal polisə zəng edilib. Məktəbə gələn polis əməkdaşları silahı müsadirə edərək şagirdi həbs edərək polis bölməsinə aparıblar.
Araşdırma davam edir.
Xatırladaq ki, son iki həftə ərzində Türkiyə məktəblərində şagirdlərin odlu silahlarla məktəblərə girib atəş açması nəticəsində şagirdlər və bir müəllim həlak olan iki ayrı hadisə baş verib.
Zərintac Mayisqızı
