Dünyaca məşhur amerikalı jurnalist və siyasi şərhçi Taker Karlson Hörmüz boğazı ilə bağlı vəziyyəti şərh edərək ABŞ ordusunun imkanlarını tənqid edib.
Zefer.media xəbər verir ki, bu barədə “Azad İran” məlumat yayıb.
“İranla aparılan həmin müharibə Amerika hərbi qüdrətinin real sərhədlərini və limitlərini bütün çılpaqlığı ilə dünyaya göstərdi. Masada nəhəng hərbi qüvvələrin, inşası bütövlükdə 120 milyard dollara başa gələn nəhəng aviadaşıyıcı gəmilərin olmasına rəğmən, Amerika ordusu aylardır bu boğazı qlobal gəmiçilik və dünya miqyasında mal tədarükü üçün yenidən açmağı bacarmadı. Üstəlik, bunu gələcəkdə bacara biləcəyimizə dair əlimizdə heç bir zəmanət də yoxdur. Beləliklə, biz ilk növbədə Amerika hərbi gücünün əslində hər şeyə qadir olmadığını anladıq”, – deyə, Karlson bildirib.
Zərintac Mayisqızı
