Suriya hakimiyyəti ABŞ-nin Livan Hizbullahına qarşı güc tətbiq etmək barədə təklifini qəbul etməyib. Suriya prezidentinin müşaviri Əhməd Zidan bildirib ki, Dəməşq Livandakı vəziyyətə hərbi müdaxilədə maraqlı deyil.
Zefer.media xəbər verir ki, bu barədə “The National” nəşri bildirib.
“ABŞ Suriyanın Livandakı vəziyyətə müdaxilə etməsini təklif etdi. Suriya dövləti hərbi müdaxilədə maraqlı deyil. Bəzi beynəlxalq oyunçular hərbi yanaşmaya əl ata bilərlər, amma belə gedişlərin bölgədə nəticə vermədiyi artıq sübut olunub”, – deyə o qeyd edib.
Zidanın sözlərinə görə, Suriya Livan dövlətinin rəsmi institutlarını gücləndirmək səylərini dəstəkləyir, ancaq xarici hərbi müdaxilənin əleyhinədir.
Məlumata əsasən, bir müddət əvvəl Suriya prezidenti Əhməd əş-Şəranın Vaşinqtona mümkün səfəri və Livandakı vəziyyətlə bağlı müzakirələr gündəmdə olub.
Zərintac Mayisqızı
