Serbiya prezidenti Aleksandr Vuçiç daha bir prezidentlik müddətinə namizədliyini irəli sürməyəcək, lakin ölkənin siyasi həyatında iştirak etməyə davam edəcək.
Zefer.media xəbər verir ki, bu barədə TASS-a müsahibəsində “Srbijagas” şirkətinin müşahidə şurasının sədri və keçmiş baş nazirin müavini Aleksandr Vulin bildirib.
“Prezident Vuçiç konstitusiyaya uyğun liderdir və Konstitusiyamız prezident kimi yalnız iki müddətə icazə verir. O, heç vaxt Konstitusiyanı pozmur və ya buna bənzər bir şey etmir. Ona görə də, xeyr”, – Vulin qeyd edib.
O əlavə edib ki, Vuçiç Serbiyanın yeni siyasi həyatının bir hissəsinə çevriləcək və siyasətlə məşğul olmağa davam edəcək.
Xatırladaq ki, Aleksandr Vuçiç 31 may 2017-ci ildən Serbiyanın Prezidenti vəzifəsində çalışır. O, 2022-ci ildə ikinci müddətə yenidən seçilib və rəsmi olaraq 2027-ci ildə səlahiyyət müddəti başa çatır.
Zərintac Mayisqızı
