Rusiya aprel ayında Ukraynanın limanlara və neft emalı zavodlarına dron hücumları, eləcə də “Drujba”nın tədarükünün dayandırılması səbəbindən neft hasilatını azaltmaq məcburiyyətində qalıb.
Zefer.media xəbər verir ki, bu barədə “Reuters” agentliyi məlumat yayıb.
Beş mənbəyə və “Reuters”in hesablamalarına görə, azalma ilin əvvəlindəki orta göstəricidən gündə 300.000 ilə 400.000 barel arasında (bpd) aşağı olub. Bu, altı ilin ən kəskin aylıq azalması ola bilər.
Hesabatda deyilir ki, “Əsasən Qərbi Sibir hövzəsində istehsal olunan neft Rusiyanın 3 trilyon dollarlıq iqtisadiyyatının can damarıdır, ona görə də istehsalın azalması dünyanın ikinci ən böyük ixracatçısının gəlirlərini azaldır”.
Zərintac Mayisqızı
