Bu gün ABŞ dövlət katibi Marko Rubio İranla bağlı açıqlamasında Vaşinqtonun diplomatik həll variantına üstünlük verdiyini bildirib.
Zefer.media xəbər verir ki, Rubio hazırda masada Hörmüz boğazının açılması və nüvə məsələləri üzrə “real, əhəmiyyətli və vaxt məhdudiyyətli” danışıqlar üçün ciddi imkanın mövcud olduğunu deyib.
Onun sözlərinə görə, bu təşəbbüs həm Körfəz regionunda, həm də beynəlxalq səviyyədə geniş dəstək qazanıb.
ABŞ dövlət katibi əlavə edib ki, prezident Donald Tramp tələsmir və Vaşinqton zəif və ya əlverişsiz razılaşmanı qəbul etməyəcək: “Prezident pis razılaşmaya getməyəcək. Görək nə baş verəcək”.
O diqqətə çatdırıb ki, ABŞ alternativ addımları nəzərdən keçirməzdən əvvəl diplomatiyaya uğur qazanmaq üçün bütün imkanları verəcək.
Zərintac Mayisqızı
