İrəvanın Qarabağ məsələsi ilə bağlı rəsmi mövqeyinə və Azərbaycanın ərazi bütövlüyünün tanınmasına baxmayaraq, Ermənistanda özünü “Artsax Milli Assambleyası” adlandıran struktur fəaliyyətini davam etdirir və onun nümayəndələri yeni “spiker” seçilməsini müzakirə edirlər.
Zefer.media xarici mənbələrə istinadən bildirir ki, bu strukturun “sədrinin səlahiyyətlərini icra edən” Qagik Baqunts “Yerablur”da jurnalistlərə bildirib ki, “Qarabağ parlamentinin spikeri” seçkisi məsələsi yalnız müvəqqəti olaraq dayandırılıb.
Diqqətçəkən məqam ondan ibarətdir ki, separatçı qurumun mövcudluğuna xitam verilməsindən təxminən üç il keçməsinə baxmayaraq, onun keçmiş strukturları artıq Ermənistan ərazisində fəaliyyətlərini davam etdirir və hətta daxili “seçkilər” keçirməyə ümid edirlər. Bu fonda belə fəaliyyətin İrəvanın Azərbaycanın suverenliyi və ərazi bütövlüyünü tanıması ilə bağlı rəsmi bəyanatlarına nə dərəcədə uyğun olduğu sual doğurur.
Lalə Qurbanlı
