Latviya Rusiyalı iş adamları Mixail Fridman və Əlişir Usmanovun Avropa İttifaqının sanksiya siyahısından çıxarılması ilə bağlı təklifə qarşı çıxıb.
Zefer.media “Reuters”ə istinadən xəbər verir ki, Aİ ölkələri Fridman və Usmanova tətbiq olunan sanksiyaların ləğvi müqabilində Rusiyaya bağlı təxminən 3 min şəxs və quruma qarşı məhdudiyyətlərin daha üç il uzadılmasını nəzərdə tutan kompromis təklif üzərində razılaşıb. Lakin Latviya bu təklifi dəstəkləməyib.
Latviya Baş naziri Andris Kulbergs bildirib ki, ölkəsi sanksiyaların 36 ay müddətinə uzadılmasını dəstəkləyir, lakin bunun Fridman və Usmanovun siyahıdan çıxarılması hesabına həyata keçirilməsini qəbul etmir.
Aİ-nin 27 üzv ölkəsinin yekdil qərarı tələb olunur. Mövcud sanksiyaların qüvvədə olma müddəti sentyabrın 22-də başa çatır və danışıqların davam etdiyi bildirilir.
Aytən Yalçınqızı
