İran parlamentinin sədri və ABŞ ilə Ali Danışıqlar Komitəsinin üzvü Məhəmmədbağır Qalibaf Hörmüz boğazı ilə bağlı diqqətçəkən açıqlama verib.
Zefer.media xəbər verir ki, İranın dövlət televiziyasına müsahibəsində Qalibaf bildirib:
“Son proseslərdən sonra boğazdakı vəziyyət dəyişib və əvvəlki vəziyyətə qayıtmayacaq”.
Onun sözlərinə görə, ABŞ ilə əldə olunan razılaşmalar çərçivəsində Hörmüz boğazından keçən gəmilər üçün təhlükəsizlik zəmanəti məqsədilə xüsusi rabitə xətti yaradılıb.
“Bu marşrutla bağlı narahatlığı olanlar həmin xətt vasitəsilə əlaqə saxlaya bilərlər. Biz, boğazın administratorları olaraq, məsələləri həll edəcəyik”, – deyə Qalibaf vurğulayıb.
Qeyd olunur ki, İran rəsmisinin həmin açıqlaması ABŞ Mərkəzi Komandanlığının (CENTCOM) Hörmüz boğazından onlarla ticarət gəmisinin maneəsiz keçdiyini bildirməsindən sonra səsləndirilib.
Zərintac Mayisqızı
