Qətər və Pakistan İsveçrənin Lüsern şəhərində keçirilən görüşdən sonra birgə bəyanat yayaraq ABŞ və İran arasında 18 saat davam edən danışıqlarda “həvəsləndirici irəliləyiş” əldə olunduğunu açıqlayıblar.
Zefer.media xəbər verir ki, bəyanata əsasən, tərəflər danışıqlara siyasi nəzarətin təmin edilməsi və nüvə proqramı, sanksiyalar və digər məsələlər üzrə işçi qruplarının fəaliyyətinin əlaqələndirilməsi məqsədilə “Ali Komitə”nin yaradılması barədə razılığa gəliblər.
Qeyd olunub ki, Vaşinqton və Tehran yekun razılaşmaya nail olmaq üçün 60 günlük “yol xəritəsi” üzərində də anlaşma əldə ediblər.
Tərəflər Hörmüz boğazında mümkün insidentlərin və anlaşılmazlıqların qarşısının alınması, eləcə də ticarət gəmilərinin təhlükəsiz hərəkətinin təmin edilməsi məqsədilə xüsusi rabitə xəttinin yaradılmasını razılaşdırıblar.
Zərintac Mayisqızı
