Rusiya prezidenti Vladimir Putin və Ermənistanın baş naziri Nikol Paşinyan arasında görüş barədə hələlik qəti razılıq yoxdur.
Zefer.media xəbər verir ki, bu barədə Rusiya prezidentinin mətbuat katibi Dmitri Peskov bildirib.
Belə ki, iyunun 3-də Ermənistanın Baş naziri Nikol Paşinyan parlament seçkilərindən sonra Rusiyaya səfər etməyi və Prezident Vladimir Putinlə görüşməyi planlaşdırdığını açıqlayıb.
“Hələlik qəti razılaşmalar yoxdur. Bilirsiniz ki, seçki nəticələrinin 14-də açıqlanması gözlənilir. Seçki iştirakçılarının çoxu (səsvermə nəticələrinə) etiraz etməyi planlaşdırır. Yenidən sayma və sair olacaq ki, bu da olduqca mürəkkəb və vaxt aparan bir prosesdir”, – Peskov deyib.
Rusiya liderinin mətbuat katibinin sözlərinə görə, Ermənistanın baş naziri, çox güman ki, ölkə daxilindəki həmin proseslərlə məşğuldur.
Kremlin sözçüsü əlavə edib ki, daha sonra sözügedən seçki vəziyyətinin nəticəsindən asılı olaraq, ikitərəfli səviyyədə görüşlə bağlı qərarlar qəbul ediləcək.
Zərintac Mayisqızı
